«Վեոլիա ջուր» ընկերությունն օրերս հյուրընկալվել էր «Վորլդ Վիժն»-ի կազմակերպած ամառային ճամբարում հանգստացող երեխաներին։
«Երազանքի ճամբար» ամենամյա այս նախաձեռնությունը ամառային հանգիստը կազմակերպելու համար համախմբում է երեխաների տարբեր մարզերից և նպատակ ունի նաև նրանց մոտ զարգացնել կյանքի հմտություններ, փոխանցել նոր գիտելիքներ։
«Վեոլիա ջուր» ընկերության ներկայացուցիչների օգնությամբ նրանք այս անգամ
հնարավորություն ունեին կատարել մի մեծ «Ջրային ճամփորդություն» և ծանոթանալ, թե ինչ ճանապարհով է ջուրը հասնում իրենց բնակարաններ և, ընդհանրապես, ինչ կենսական նշանակություն ունի այն մեր կյանքում։
Իսկ վերջում կազմակերպված ջրով լի դույլով խաղը, որի ընթացքում մասնակից երեխաները
պետք է առանց ջուրը թափելու դույլը դեպի հետ փոխանցելով տեղ հասցնեին, խորհրդանշում էր, թե որքան կարևոր է այսօր ջրի խնայողաբար օգտագործումը։
